Oscars: kjólarnir á reyðu langmottuni
Ein av mínum yndismótaløtum hvørt ár er løtan, tá ið tey kendu ganga á reyðu langmottini, áðrenn Oscarvirðislønirnar verða handaðar. Hóast eg eri ordiliga spent hvørt ár, verði eg ofta eitt sindur skuffað, tí kjólarnir eru í so “safe”. Eg haldi tó, at teir vóru óvanliga vakrir í ár. Tað vóru nøkur týðilig trend, sum sóust aftur gjøgnum kvøldið og tey vóru m.a. hvítir kjólar og gullkjólar. Her eru nakrir av kjólunum, sum fangaðu meg:
Hailee Steinfeld í Ralph & Russo Couture
Hesin kjólin var heilt vist ein av mínum yndiskjólum í nátt. Ein heilt fantastiskur og dramatiskur kjóli við so vøkrum detaljum. Sminkan er perfekt til kjólan og hárið er júst, sum tað skal vera til hálsin á kjólanum.
Emma Stone í Givenchy Couture
Á, sum eg elski Emmu Stone. Hon vann ein Oscar fyri besta kvinnuliga høvuðsleiklut. Hesin kjólin var perfektur til hennara postalínsdæmi og reyða hárlit. Hollywoodbylgjurnar í hárinum og koparsminkan riggaðu eisini so væl til.
https://www.instagram.com/p/BRA4cPDgTwh/?taken-by=givenchyofficial
https://www.instagram.com/p/BRAc-ChglDj/?taken-by=givenchyofficial
https://www.instagram.com/p/BRBH0pQgJS9/?taken-by=givenchyofficial
Isabelle Huppert í Armani Privé
Hesin eleganti kjólin er so ótrúliga vakur og tíðarleysur. Svarta neglalakkið og villi oyralokkurin frá Repossi góvu eisini hesum lookinum ein kant.
https://www.instagram.com/p/BQ_jAsKl3lN/?taken-by=checkthetag
Janelle Monae í Elie Saab Couture
Elie Saab er uttan iva mín yndissniðgevi og tí verði eg altíð glað, tá eg síggi onkran av hansara kjólum á reyða langmottuni. Hesin kjólin er so ótrúliga vakur og serligur. Tað er altíð stuttligt at síggja ein vakran kjóla, sum ikki líkist øllum hinum. Hesin kjólin verður ein av teimum, sum man fer at minnast í fleiri ár.
Jessica Biel í Kaufmanfranco
Jessica Biel er heilt vist ein av heimsins vakrastu kvinnum. Samansetinginum av hesum gullkjólanum frá Kaufmanfranco við hálsprýðinum frá Tiffany & Co. er ótrúlig. Hon sær út sum ein modernað gudinna.
Darby Stanchfield í Georges Chakra Couture
Eg elski Darby Stanchfield úr sjónvarpsrøðini Scandal. Hesin kjólin sást ikki í sjónvarpinum, men eg má altso taka hann við, tí Darby Stanchfield sá út sum ein millión.
Ruth Negga í Valentino Couture
Hesin eleganti kjólin var eisini ein av mínum yndiskjólum í gjárkvøldið. Tað er serliga liturin, sum er heilt fantastiskur!
Nicole Kidman í Armani Privé
Viola Davis í Armani Privé
Viola Davis sær altíð fantastisk út í sterkum litum og hesin kjólin var onki undantak. Hon riggar SO væl!
Brie Larson í Oscar de la Renta
Vanliga fært tú meg ikki heilt upp at flákra um ein svartan kjóla á reyðu langmottuni, men Brie Larson sá so vøkur út í hesum eleganta kjólanum frá Oscar de la Renta.
Kirsten Dunst í Christian Dior Couture
Kirsten Dunst er vanliga ikki í svørtum kjólum á reyðu langmottuni, so tí bleiv hesin kjólin nakað heilt serligt. Kjólin sær út sum ein heilsan til New Look-silhouettina hjá Christian Dior, sum kom fram í 1940’unum.
https://www.instagram.com/p/BQ_oCyvAjyT/?tagged=kirstendunst
Meryl Streep í Elie Saab Couture
Endiliga, endiliga, endiliga droppaði Meryl Streep hasar ljótu brillurnar, sum síggja út sum einar gamlar lesibrillur fyri 20 kr. Og so valdi hon at fara í bæði buksur og kjóla frá Elie Saab. Eg eri væl nøgd! 🙂 (Hon fór sjálvandi í brillurnar aftur, tá hon var komin inn í salin, men eg royni at hugsa um tað positiva… 😉 )
Octavia Spencer í Marchesa
Taraji P. Henson í Alberta Ferretti
Olivia Culpo í Marchesa
Chrissy Teigen í Zuhair Murad Couture